|
| Calvin To & Ah Ying 的BB女終於在3月12日2:11am出世la, 昨天我們一班BTL齊齊前往探望, Tiffany真係好得意, 仲幾似Ah Ying添~  
杜B女祝妳快高長大, 健健康康, 開開心心, & 聽聽話話la ~  | | |
| 2006年12月31日 Sunday完了之後去打排球, 晚上到Calvin & 瑩 's household 玩 + count down, 阿瑩好好呀, 預備了朱古力火煱&雞翼俾我0地食 , 跟住我0地不斷玩遊戲, 打機啦, Rummikub, 打麻將, 大富翁, UNO, 連飛行棋都玩埋......其實我唔擅長玩大富翁0架, 所以好順利0甘破產 , 之後我轉移陣地去玩UNO, 其間見到有咗BB嘅阿瑩玩到好肉緊, 有時大叫有時又摸住自己個肚, 見到阿瑩玩到咁激動, 就連我0地都緊張埋一份呀, 不斷同佢講 : " 冷靜d, 冷靜d, 唔好0甘緊張, 顧住阿B呀...."  到咗12:00am count down, 我0地不斷祝賀對方之餘, 仲晌窗邊對住街上面嘅人大叫新年快樂tim....哈哈, 大家似乎太興奮喇 , 本來以為count down完不久d人就會走, 點知大家都係留低繼續玩, bro就打機, sis就二人一組玩飛行棋, 本來都冇咩特別, 點知阿平同Yenni 0個組唔知做乜, 嗌親number都中又遙遙領先, 其餘三組終於忍無可忍, 決定暫時"停火"聯手對抗阿平同Yenni, 結果一眾姊妹個個企晒晌度, 圍住張枱擲骰子 0個陣就係0甘嗌 : "單數, 單數, 單數....", "雙數, 雙數, 雙數,....", "六, 六, 六....", "三, 三, 三....", 搞到旁邊打機的弟兄不斷用奇異的眼光看著我們, 仲話點解我0地玩飛行棋可以玩到好似開賭檔0甘 .....哈哈, 最終三組聯盟勝出時d姊妹開心到又大叫又大笑又俾晒high five (即使已經係深夜3:45am ), 大家都玩得好盡興, 其實玩遊戲都好反映姊妹的真性情, 起碼我現在知道原來Yenni玩起上0黎係0甘放嘅~ 嘈咗成晚, 好彩冇俾人投訴咋 ~ 當晚除了是count down之外, 我們也為大Gloria & 阿貞慶祝生日, 好開心聽到弟兄姊妹好真誠的分享, Ah Foon 還代表BT + Pair-up 送了一份2007年座枱月曆給她們, 別少看這月曆, 上面每頁都貼著我們的相片, 又寫了一些鼓勵的字句, 封面還是重新裝飾的呢~ 姊妹都未必整得0甘靚呀, Ah Foon 真係好有心思呀, Awesome呀~ | | |
| 2006年12月27日 那天請了假去看醫生, 因為小腿的皮膚敏感愈來愈嚴重, 醫生開了一些藥和藥膏給我, 幸好現在康復了許多, 不過仍然係一撻撻印, 相信要一段日子才能完全消退了..... 晚上QE全教會singing House Church, 練了大半年終於都等到呢日了, 大家都好enjoy去唱. 不過由於Chior 實在太多人了, 站在Riser上不斷feel到個Riser晌度震, 加埋d射燈其實都幾焗, 甚至有姊妹因為0甘而身體不適, 要去保健室休息. 去到唱"Alleluia"嘅時候我已經係企到對腳都麻痺晒, 集中唔到, 因為真係企咗好耐. 可是在台上看著那些燈光效果真係好靚, 總括而言都係一次好難忘嘅經歷. 當中有一首新歌"袮是神"我相當喜歡, 是為了教會二十週年而寫的, 想著歌詞都會令我有點眼濕濕同被感動, 其中有一段說: "望向天, 望向天邊凝望袮, 浮雲如幻似煙, 春風秋雨在變遷, 在每天, 是袮仍然長伴當世界在變, 一轉眼共踏過經已十年, 再十年....." 能夠踏入二十週年真係一d都唔容易, 因為教會的成長都經歷了好多起起跌跌, 自己都做咗十年X'ian, 可以說是在教會裡長大的, 由Teens到Campus, Single及現在的Married, 生命的確是有好大的轉變, 但好感激當中有神同自己一齊去經歷, 好想不單只是十年, 二十年, 而是一生一世都去追求同神嘅關係.....呀, 講吓講吓, 又有d感動到眼濕濕tim...... | | |
| 新年快樂~ 唔知大家點樣渡過聖誕和新年呢? 不如等我同大家分享一下啦~ 2006年12月25日 聖誕節我們連同志偉/阿蚊+Cherish BT 在雅濤居club house 合辦了一次Christmas Party.當中每個BT都派出一至兩名弟兄姊妹負責籌備活動. 十分欣賞一班committee, 包括劉寶, Carmen Fung, 阿貞, Ah Man, Cody & 阿珊, 因為他們完全的投入和付出才令這個Christmas Party 0甘成功. 當日有咩玩? 勁囉, 有好玩0既遊戲之餘, 還有Willy + Raymond 的魔術表演, 粉墨登場的Carmen Fung 扮"得成Maria", 志偉扮麥當奴叔叔, 健威扮"聖誕阿叔"大派零食等等, 當然少不了又豐富又好味嘅refreshment啦~ 唔單只係好玩嘅節目同美食, 最開心係當日每個BT都有朋友來到, 他們都玩得好投入. 還有一班committee 經過今次活動後更加深了彼此的friendship, 也達到了crossover BT activity 其中一個目的, 就是讓弟兄姊妹有更多合作和溝通的機會, 也讓他們可以多點參與籌備活動and發揮所長.  由於一致好評, 我0地打算新年再舉行一次新年party, 希望可以invite不同的朋友和讓更多其他弟兄姊妹有機會參與, 十分期待呢~ | | |
| 新屋未有電腦用, 所以同大家講定先~ 聖誕快樂~ | | |
|
|
